馬祖無限時台灣養生涮涮鍋

营业中

休息中

第一次食呢間台式涮涮鍋，無限時可以慢慢食唔使趕時間。呢到嘅湯底真係多到不得了，有辣有唔辣任君選擇。最後揀左藥膳椰子雞涮涮鍋，香噴噴椰子味，鍋底有好多件滑溜雞髀肉。飲品醬料係自取，揀左兩款自家製樽裝飲品，清甜解渴。一坐低職員送左碟即炸番薯條，點話梅粉食超正又香又甜。火鍋料質素好好，我哋食最經濟嘅Prime Grade美國安格斯牛肉 + 西班牙無激素豬肉片，7:30前埋單只係$247。落單後好快上枱，牛肉望到都覺得好靚，食落都好軟滑有牛味，有驚喜。花膠大大片任食超滿足。