Le Viet (已結業)

今日放工同朋友去左旺角揀左間有好多好評既越南野係銀行中心一樓可能因為唔係地鋪, 地方幾闊落入面座位都分得幾開, 唔會好迫叫左三樣野食:越式咖哩軟殼蟹配法飽($93): 咖哩用一個爐上, 可以保持咖哩既溫度, 用既係黃咖哩, 唔會好辣, 仲有椰香味, 軟殼蟹沾上咖哩汁, 鬆脆又香口. 法飽原來同咖哩都好夾, 呢度既法飽都比較鬆軟,沾醬食一流香茅燒烏頭: 呢條魚份量十足呀, 外皮燒到好脆, 入面既魚肉仲保持到好嫩滑, 香料令成條魚都冇魚腥味, 再沾埋佢個醬, 真係好正, 必定推介春卷+生菜籃: 呢個岩哂怕熱氣既我, 用生菜包住春卷, 有一種好清新既感覺呢間餐廳整體用餐感覺都好好, 下次一定會再黎