泰屋

营业中

休息中

喺旺角食飯有時真係幾頭痛，太多食肆選擇，連鎖店冇新意，試其他又驚伏，冇咩質素保證，所以要食到好嘢都好講彩數。好彩男朋友成日好肯同我試新嘢🥰呢日放工去嘅泰屋，有驚喜喎！旺區之中價錢抵食，食物份量唔少，仲好好味道！性價比高之選👍🏻.⭐️迷你小食雙併(蝦餅/素春卷) $82蝦餅彈牙，鮮味，外皮炸得金黃脆口。素春卷餡料飽滿，香脆唔油膩。.⭐️香蔥蒜蓉包(4件) $36好濃郁嘅蒜香，口感外脆內軟，好好味👍🏻.⭐️炭燒豬頸肉 $80燒得外皮略帶焦香脆脆地，入面肉質保持嫩滑，附上嘅sauce酸酸辣辣好開胃🤤.⭐️馬拉盞炒通菜 $72有鑊氣嘅小炒，馬拉盞嘅咸鮮香氣好惹味，通菜依然爽脆。.⭐️原個椰盅海鮮焗飯 $88賣相吸引，面層厚厚一層椰漿👍🏻成個椰盅飯裝得滿滿的。一上枱已經聞到好清香嘅椰味，海鮮足料，蝦同青口都大大隻又鮮甜，入面仲有椰肉，提子乾，清香之餘甜甜地，好正😋😋.無論係食物定價錢都係高性價比之選，而且呢到環境舒適，有大量卡位同梳化櫈坐。