盤子工房 (建生商場) (已搬遷) 新店位置

好耐冇食過似樣嘅早餐要數屯門建生嘅黃店仲要咁高質💓一定係盤子工房早餐時間由8:00開始，星期六都見到有唔少嘅中學生。佢嘅早餐有好多嘅選項有素食有全日早餐都有類似茶記嘅麵餐（今次我就揀咗沙嗲牛肉同雞扒通粉同公仔麵各一）雞扒配埋炒滑蛋 加一碗湯通粉分量都足料，不過雞扒就稍微煎乾咗少少、蛋同埋雞扒調味上面都偏鹹通粉係有條問嗰種比較有咬口啱我口味另外配左一杯是日熱飲（熱蜜桃汁）沙嗲牛麵就加咗$5配奶醬多花生醬同煉奶都落得好夠🥰🥰 感覺比起滑蛋同沙嗲牛肉仲要好食🙈