裕興咖啡

营业中

休息中

今日要去離島工作，搭巴士去中環，今日竟然早左到，咁就諗起裕興咖啡啲三文治成日都想試，但早餐都好多人又要等成個鐘，次次來都食唔到。今日七點四十五分就去到碰下運氣，去到都有四，五個人坐系到等緊，老闆好有禮貌同等講八點先開門，叫等坐底等等等到八點，老闆娘就逐個問你食咩早餐，咁我就叫左個五香肉丁炒蛋三文治加熱朱古力（$36）凍飲加二蚊。等左二十分鐘終於有得食，個三文治好多汁，一路食就一路流汁，入面有埋啲椰菜同花生醬。好好味。不過見到啲人之後等要等成個鐘，好彩今日早左黎唔駛等咁耐有得食啫