荷里活冰室 (We Go Mall )

营业中

休息中

呢個商場本身人流就唔多，仲有一間已經做咗好耐嘅茶餐廳。但係呢間茶餐廳竟然都加入戰團，就睇吓佢有幾多實力🤔佢嘅早餐都有好多選擇，結果揀咗老薑鮮豬膶米粉：先講佢嘅多士同煎蛋，塊麵包都算新鮮唔會太硬，兩隻太陽蛋都煎得唔錯。碗米粉嘅湯底幾好，夠鮮味應該冇乜味精，豬潤都新鮮，但係煮得偏熟，又未至於硬身嘅，佢嘅薑絲都好新鮮夠辣，唔似得有啲茶餐廳係乾身嘅，不過成碗米粉嘅薑味再強啲就最好啦。值得一提，呢間舖嘅裝修唔錯，地方闊落又夠光猛。