荷里活冰室 (We Go Mall )

营业中

休息中

話說叫咗個咖喱雜菜意大利粉。過咗一陣侍應拎上枱面就係一碗咖喱汁內有少量薯仔一碟意大利粉，旁邊就放咗中式到唔可以更中式嘅菜心、匪夷所思嘅韭菜同異想天開的苦瓜可想而知，呢三種食材同咖喱有幾夾夾到以後都唔敢再黎呢間餐廳。因為完全比廚房嘅創意打敗到全軍覆沒了再見了，荷李活我都係食返啲正常嘢喇

呢個商場本身人流就唔多，仲有一間已經做咗好耐嘅茶餐廳。但係呢間茶餐廳竟然都加入戰團，就睇吓佢有幾多實力🤔佢嘅早餐都有好多選擇，結果揀咗老薑鮮豬膶米粉：先講佢嘅多士同煎蛋，塊麵包都算新鮮唔會太硬，兩隻太陽蛋都煎得唔錯。碗米粉嘅湯底幾好，夠鮮味應該冇乜味精，豬潤都新鮮，但係煮得偏熟，又未至於硬身嘅，佢嘅薑絲都好新鮮夠辣，唔似得有啲茶餐廳係乾身嘅，不過成碗米粉嘅薑味再強啲就最好啦。值得一提，呢間舖嘅裝修唔錯，地方闊落又夠光猛。

廚房把刀切三文治應該都幾污糟，份三文治出嚟已經嚇親客人，已經同貴公司職員講了換了一份，但係換冇第一份咁污糟，但都係污糟，食到中間反轉片包見到咁，唉😮‍💨個客見唔到就覺得冇嘢咁，清潔衛生真係好有問題😡

晚上7時11分買外賣黒椒牛仔骨718號等到7時26分都未出！但719號已出！問只回覆！出緊！再等！等720都出！為什還未出牛仔骨呢！又不是焗飯或蒸餸！再等7時38分都不出冇原因！只叫我等一下再等！算退錢走！冇下次！就算幾好食都冇用！不是跟時間提供食物！而是按多人買便一起做！但總不能只延遲而冇解釋的！

本人食咗唔少次，午餐系列係正常（除左牛脷），但係一嗌午餐之外嘅嘢就會好多伏。另外都有各種衛生問題。問題係佢又唔係特別平，午市~$60/餐。下面係優點&缺點：衛生方面：上次食過咖哩牛腩飯，然後裏面有一個C字型捲起嚟嘅，好多黑色毛嘅不明物體。成個款睇落有機會係一個假睫毛。然後當時係配埋熱朱古力，我飲到最抵無啦啦食咗一個殘渣，味道似係金桔茶嘅柑桔。都唔知點解呢一次咖哩同朱古力都有問題餐具偶爾出現明顯有嘅色積。某啲位置/時候，特別多蚊蟲，有啲麻煩，不過就唔係好嚴重，還算可接受。伏方面：唔建議食牛脷、唔知咩蛋白炒飯。就算佢啲午餐賣曬，淨返牛脷，都唔好食。優點：食物出咗事佢會肯換畀你，服務態度方面喺茶餐廳之間算幾好。午餐系列味道算ok，份量足夠。

We go Mall開新茶記。果日平日食所以無咩人座位都好闊落，呢間食物都多選擇，有分星期一至日嘅午餐set，仲有茶餐、酸菜魚同埋雞餐…最有趣嘅係無論係乜嘢餐，嘅價錢都係差唔多，茶餐唔會特別平，餐牌嘅又唔會特別貴，同樣都係有嘢飲送。我諗住好耐最後都係要個公司三文治，太耐無食啦！公司三文治 $55雖然無我幻想嘅午餐肉，但有芝士、鹹牛肉、火腿、厚滑蛋、番茄同沙律菜。材料豐富，麵包唔硬而脆，好味。熱鴛鴦就無咩特別，中規中矩。

最近Wego Mall換左d新食肆，其中一樓做極都會執既位，又新入主左間茶餐廳啦！新開就真係好多人要排隊，去過幾次就正常番，可能我都係平日過左Peak Hour去多，所以容易搵位，大細卡位都齊全，店舖企理又光猛，門口收銀到入面d呀姐，個個都好有禮貌咁招呼，茶餐廳算係咁。以Wego嚟講，呢間食物都多選擇，除左午餐茶餐set，亦有酸菜米線，咖啡奶茶ok呀，價錢又唔特別貴，見隔離左右食雞脾，西多士，公司治好好邪惡不過望落好

呢間茶餐廳新開咗兩三個禮拜…價錢正正常常一般茶餐廳價錢。質素，正正常常啦。環境，座位位置有啲細，不過，其實對茶餐廳都冇乜所謂，唔會有要求。週末去食下午茶嘅時候，大概坐咗三分之一個場。侍應有幾個企左喺度。叫左個炸豬扒薯條，中途已經催過一次，最終竟然都係要等成30分鐘先上野食！啲員工唔會幫你去跟進，完全唔會覺得有問題！講真，客又唔係多，員工又唔係唔夠，真心唔明白點解茶餐廳可以30分鐘先至上嘢食。唔講，我以為我食緊fine dining!如果大家唔係有成個幾兩個鐘時間去食嘢嘅話，真心唔推介！