慶吉家 (已搬遷) 新店位置

差唔多到12點，覺得如果要去到下個目的地先食晏晝會好多人。所以就入咗呢條巷嗰度，睇下有乜嘢食。店員響門口已經話俾我聽有麵同埋有飯食。望吓餐牌仲有學生餐添，唔使＄40都可以食到個午餐。我就叫咗個汁燒牛肉飯，套餐可以包一杯熱飲或者麵豉湯。我叫左湯。麵豉湯入邊除咗平時有嘅海帶之外，仲有粟米粒、椰菜同金菇菜。如果有埋豆腐粒就正喇。汁燒牛肉飯，唔會太多汁，洋蔥炒得啱啱好無濃而且全部熟晒，凈係食到甜而無晒辛辣味！上面仲有芝蔴同埋紫菜。紫菜全部林鈿差小小。但食到芝蔴果part 就會覺得好好味。桌面上有炒蒜，我落左小小。味道太濃會影響本身個汁，建議唔好落。