影片
更多
2019-07-03
37 浏览
朋友又帶我去食高質嘢～原來係食鉄人旨花～之前都見朋友讚過，但一直未有機會去～位於銅鑼灣肇明大廈2樓，喺樓下就見到佢個標誌，好易就搵到～地方幾大幾寬闊，有分鉄板燒同壽司兩邊～我哋今次食壽司嗰邊，揀咗Shika Omakase 望住廚師製作食物其實都係一種樂趣～喺師傅製作其間，我哋仲可以問吓佢整緊嗰啲係咩嚟～唔覺唔覺前菜就整好咗喇～好靚好似道具咁～有日本牛奶粟米、蕃茄同埋蟹肉蕃茄面層加咗小小鹽，令到蕃茄味道更出，好新鮮好好味～牛奶粟米，好爽口好清甜～蟹肉裏頭有加咗蛋黃醬，兩者配搭得非好，味道好夾跟住就係呢個精緻嘅冷盤～分別有珍鯛魚、右口魚、八爪魚吸盤、北寄貝同蠔珍鯛魚上放咗一塊經特別調製過嘅昆布，用醋浸過變咗透明，酸酸哋再食到爽爽哋口嘅珍鯛，味道不錯～右口魚上放上海膽，再加小小醋令味道更加提升，右口魚同海膽溶化在口中，非常好味～八爪魚吸盤好大粒好有口感，另外再有一舊八爪魚刺身反而林身，好大分別，一個八爪魚有兩種口感～唔錯～北寄貝上面放咗啲甜蝦，食落鮮甜爽口，味道一流～蠔最濃味，所以要食晒以上嘅先食佢～吸晒醬汁嘅味道，非常入味，上面再放咗小小松露，配搭得不錯，大家都無比大家啲味道搶咗～味嚐冷
之前都見朋友讚過，但一直未有機會去～
位於銅鑼灣肇明大廈2樓，喺樓下就見到佢個標誌，好易就搵到～
地方幾大幾寬闊，有分鉄板燒同壽司兩邊～我哋今次食壽司嗰邊，揀咗Shika Omakase
望住廚師製作食物其實都係一種樂趣～喺師傅製作其間，我哋仲可以問吓佢整緊嗰啲係咩嚟～
唔覺唔覺前菜就整好咗喇～
好靚好似道具咁～有日本牛奶粟米、蕃茄同埋蟹肉
蕃茄面層加咗小小鹽，令到蕃茄味道更出，好新鮮好好味～
牛奶粟米，好爽口好清甜～
蟹肉裏頭有加咗蛋黃醬，兩者配搭得非好，味道好夾
跟住就係呢個精緻嘅冷盤～
分別有珍鯛魚、右口魚、八爪魚吸盤、北寄貝同蠔
珍鯛魚上放咗一塊經特別調製過嘅昆布，用醋浸過變咗透明，酸酸哋再食到爽爽哋口嘅珍鯛，味道不錯～
右口魚上放上海膽，再加小小醋令味道更加提升，右口魚同海膽溶化在口中，非常好味～
八爪魚吸盤好大粒好有口感，另外再有一舊八爪魚刺身反而林身，好大分別，一個八爪魚有兩種口感～唔錯～
北寄貝上面放咗啲甜蝦，食落鮮甜爽口，味道一流～
蠔最濃味，所以要食晒以上嘅先食佢～吸晒醬汁嘅味道，非常入味，上面再放咗小小松露，配搭得不錯，大家都無比大家啲味道搶咗～
味嚐冷盤期間，師傅就開始整龍蝦刺身～
龍蝦好大隻好生猛，切咗個頭出嚟都仲掙扎咗好耐～
不知不覺，龍蝦刺身就整好咗喇～
龍蝦肉晶瑩剔透，食落新鮮爽口嘅感覺～旁邊放咗一塊岩鹽板，可以將龍蝦放上去磨擦～
岩鹽味道嘅龍蝦刺生，小小咸，別有一番風味～
亦可以加小小青檸汁，又係另一種清新口味啊～
火炙拖羅
拖羅上放咗小許蒜片同蔥花提升味道～
食到拖羅中嘅油脂，入口即溶嘅感覺～
白雪魚
有咬口，口感結實，唔易散開～
好大舊，肉質好滑而且唔膩～
魚皮煎到脆但又有小小黏口，好似食緊骨膠原咁～
原本食緊全部凍嘅食物～突然有一碟熱辣辣嘅菜，顯得特別好食～
深海池魚、北寄貝、池魚、牙帶魚同赤鹿
深海池魚比一般池魚更鮮甜，肉質爽而肥美～
北寄貝用火炙過，令人想一口食晒，不減爽口感覺～
池魚上亦放了特製昆布，做成小卷，不過呢個小卷係池魚包飯，口感豐富啊～
牙帶魚表面輕炙過，外香內爽，無魚腥味，食到魚鮮味～
赤鯥屬高檔魚，肉質細膩，食落有入口即溶感覺～聽師傅講呢個叫”游方主”
外貌有啲似一舊生肥豬肉咁，一開頭有啲驚～師傅叫我放膽試吓，吸落爽口，感覺好特別～
味道唔錯，值得一試～
海膽飯
細細碗但滿滿嘅海膽，鮮甜好味～
飯裏頭仲放有拖羅蓉，食落好幸福啊～
剛才嘅龍蝦頭拎咗嚟煮咗個湯～
清清哋有淡淡龍蝦味～
龍蝦頭亦切件放在湯內食用，仲有小小蝦膏同蝦肉添
最後甜品唔係雪糕亦唔係cheesecake
係生果杯～係用紅石榴、橙同密瓜組成
橙一絲不掛、密瓜清甜好味，紅石榴帶點兒酸～
食到咁飽，有個生果杯中和返都唔錯～
好美滿嘅一餐，今次食咗壽司部，非常滿意～
期待下次再嚟試埋今鉄板部～
张贴
