亀井鮨 (已結業)

今日同屋企人食午市席前壽司套餐，青の席前壽司+紺の席前壽司！套餐仲包括前菜沙律及麵豉湯。💙青の席前壽司～ 三文魚腩，油甘魚，鯛魚，間八，日本海膽，時令海鮮五款。💜紺の席前壽司～ 大鮪魚腩，赤身，油金魚，鯛魚，深海池魚，穴子，鯖魚，左口魚邊，牡丹蝦，帆立貝，三文魚籽，日本海膽。壽司飯使用日本米 ，Q度剛剛好，軟糯適中，醋糖比例完美提升刺身鮮味。每款壽司都食到唔同魚嘅鮮味！我就最愛大鮪魚腩，油金魚，油香味豐富回香，每啖都好滿足。仲有日本海膽，金黃色，鮮甜零腥味，真係想再食多件。餐廳環境相當不錯，採光度十足，仲有個靚海景。