影片
更多
2018-07-06
267 浏览
銅鑼灣嘅京都廣場，最近有一間人氣放題，開咗冇幾耐已經晚晚爆刻七彩！今晚約咗幾個老友一行四人，決定上去踩場，睇下係咪真係咁正。搭地鐵過嚟真係超方便，銅鑼灣站C出口對到正，搭電梯上10樓，一出電梯門，已經見到佢全場爆滿⋯⋯店員好客氣咁話，如果要等就要九點鐘之後第二輪先至會有位供應，冇計啦，一場黎到，點都要試吓㗎啦，放題大家食唔少，灜豐除咗基本日式刺身，燒物外、仲有泰式小食、升級加＄88 ,更加可以任飲生啤，任食即開生蠔。咁旺場唔通真係好抵食？心唸第二樣野唔使講，淨係食物流轉得快，自然就特別新鮮啦，呢個係必然嘅定律。等左15分鐘左右，終於可以入座了，店員簡單介紹佢哋落單嘅方式，係用手機掃描枱面的QR Code，既方便又環保，仲可以睇到order嘅情況，嗱，咪同我講如果冇手機又點算呀？（不過我諗如果你真係冇手機，店員可以用佢嘅手機幫你落單嘅）入返正題，食日式放題，梗係要盡快為皮先，要為皮，又點少得食刺身，即刻用手機點返一大盤刺身食下先，唔使3分鐘，大大盤刺身已經送上。飲品方面係自助形式，大部份你想要嘅都有供應，連啤酒都係任飲，真係夠晒大方。食咗三個Round 刺身之後，就梗係開始食其他野啦，種
搭地鐵過嚟真係超方便，銅鑼灣站C出口對到正，搭電梯上10樓，一出電梯門，已經見到佢全場爆滿⋯⋯
店員好客氣咁話，如果要等就要九點鐘之後第二輪先至會有位供應，冇計啦，一場黎到，點都要試吓㗎啦，放題大家食唔少，灜豐除咗基本日式刺身，燒物外、仲有泰式小食、升級加＄88 ,更加可以任飲生啤，任食即開生蠔。
咁旺場唔通真係好抵食？心唸第二樣野唔使講，淨係食物流轉得快，自然就特別新鮮啦，呢個係必然嘅定律。
等左15分鐘左右，終於可以入座了，店員簡單介紹佢哋落單嘅方式，係用手機掃描枱面的QR Code，既方便又環保，仲可以睇到order嘅情況，嗱，咪同我講如果冇手機又點算呀？（不過我諗如果你真係冇手機，店員可以用佢嘅手機幫你落單嘅）
入返正題，食日式放題，梗係要盡快為皮先，要為皮，又點少得食刺身，即刻用手機點返一大盤刺身食下先，唔使3分鐘，大大盤刺身已經送上。
飲品方面係自助形式，大部份你想要嘅都有供應，連啤酒都係任飲，真係夠晒大方。
食咗三個Round 刺身之後，就梗係開始食其他野啦，種類真係好多！
燒物、炸物、天婦羅，一應俱全。
天婦羅，牛柳粒，蟹子沙律，辣酒花螺，雞軟骨，燒菠蘿，軟殼蟹手卷，全部我都要食齊，我一定唔會放過你哋㗎！
仲有泰式食物供應，炸蝦餅，無骨鳳爪，蝦醬通菜，問你點頂。
特別呢個燒原條秋刀魚，絕對絕對好有水準，誠意推介，千祈咪錯過。
食放題有即開生蠔，真係唔係度度有，係愛爾蘭生蠔，海水味濃，非常新鮮，入口Creamy，咁新鮮，根本唔使加任何醬汁，吱幾滴檸檬汁提升味道層次已經足夠。
1664支裝啤酒已經係高成本嘅表現，估唔到佢哋仲有1664生啤供應，任斟任飲，真係乜本都返晒黎啦，呢間放題款式多，價錢平，我哋未食完，就已經諗定下次幾時再嚟，理由很簡單：抵食
张贴
