十和田壽司 (香港科學園)

营业中

休息中

位於科學園既十和田壽司，算係比較新開，今日經開沙田就入黎搵一搵朋友。傍晚時間人唔多，景觀開揚，好適合同friend 一齊慢坐慢慢嘆食物。係時候講下食物！汁煮豬軟骨定食首先講吓呢度嘅定食，會包一碗麵豉湯同茶碗蒸蛋，麵鼓湯濃郁偏鹹，有豆皮同海帶！蒸蛋最大特點係新鮮熱辣（一開始係熱到燙口），嫩滑，有鳴門卷！豬軟骨質感中挺，唔會太硬難咬同痴牙，亦唔會話太淋一pat野，味道豐富濃郁（味淋既甜味以及鹹肉香），配上白飯真係一流！長崎味噌煮牛舌定食個湯汁本身係味噌湯底，撈飯會感覺似麵豉湯，但係估唔到個牛舌加上個湯汁會咁夾！牛舌會索滿左成個湯汁，咬落去有種味噌既清香加上牛舌既滿滿肉味！推介！炸雞塊塊數大概6塊但大大塊！同外面炸雞唔同既地方係唔知點解佢可以鎖住咁大量肉汁！非常鮮嫩豐富！至於味道我個人覺得係偏濃！黑芝麻雪糕呢到既雪糕唔只係就咁一球送上，而係會附上蒟蒻同甜汁，呢個配搭都幾新鮮，而雪糕本身芝麻味都幾濃郁～