影片
更多
2019-07-18
37 浏览
今日下午，去PMQ做野，做完之後係荷里活道行左一陣，決定搵間cafe坐下。行到差館上街，見到呢間cafe好似好chill，就入去試下。當日人流唔多，不過我就揀左坐係窗邊既位置。望住呢度既擺設，有陣淡淡既文青氣息。呢度既餐牌係主打日式西餐風格，唔知點解所有野一加上日式，就會有一種好想食既感覺。無耐，店員行過黎介紹佢地依度最出名既日式pancake，係好厚身個種，入面仲有mochi。可惜當日我得一個人，又未食飯，所以最終都係揀左食咸既正餐。伯爵鮮果茶店員亦都有介紹，呢間小cafe入面既茶葉係老闆自己配製既，所以杯茶飲落去既味道唔係太strong，而係好柔和。鮮果茶都用上自家製既熱情果醬，成杯茶感覺好organic好fresh。日式all-day哇，呢個all-day breafast真係靚到哇一聲。首先成件事好有日式家庭食飯既感覺，色彩亦好繽紛，好岩女仔黎打卡。三樣野分別係煙肉芝士大阪燒，炒雜菜同溫泉蛋湯。個湯好有驚喜，佢係溫熱既，隻蛋係糖心既溫泉蛋，口感好正，未食過咁樣整既蛋，亦都同時感覺到佢地用既食材係好新鮮，蛋黃係橙色，帶點甘甜，應該係日本蛋黎的。成份all-day breakfa
當日人流唔多，不過我就揀左坐係窗邊既位置。望住呢度既擺設，有陣淡淡既文青氣息。
呢度既餐牌係主打日式西餐風格，唔知點解所有野一加上日式，就會有一種好想食既感覺。
無耐，店員行過黎介紹佢地依度最出名既日式pancake，係好厚身個種，入面仲有mochi。可惜當日我得一個人，又未食飯，所以最終都係揀左食咸既正餐。
伯爵鮮果茶
店員亦都有介紹，呢間小cafe入面既茶葉係老闆自己配製既，所以杯茶飲落去既味道唔係太strong，而係好柔和。鮮果茶都用上自家製既熱情果醬，成杯茶感覺好organic好fresh。
日式all-day
哇，呢個all-day breafast真係靚到哇一聲。首先成件事好有日式家庭食飯既感覺，色彩亦好繽紛，好岩女仔黎打卡。三樣野分別係煙肉芝士大阪燒，炒雜菜同溫泉蛋湯。個湯好有驚喜，佢係溫熱既，隻蛋係糖心既溫泉蛋，口感好正，未食過咁樣整既蛋，亦都同時感覺到佢地用既食材係好新鮮，蛋黃係橙色，帶點甘甜，應該係日本蛋黎的。
成份all-day breakfast 最吸引既大阪燒。用上左大量小豆苗，好有日本氣息。開始食之後，我又終於發現原來大堆頭既小豆苗唔止係裝飾，因為佢呢個大阪燒入面係有芝士拉絲架！芝士份量一點都唔少，配合埋大阪燒既醬汁同清新既小豆苗，所有野非常well-balanced，值得一讚。
最後我都係食唔哂成份餐，好滿足。坐到6點，佢要關門了，原來佢呢度係by reservation先會開埋夜晚。咁唯有係等下次再做廢青既時候，就可以黎發呆一整個下午啦！
张贴
