南瀛水產

係呢個疫情底下食飯都要特別留意番餐廳係咪有相隔1.5米 同埋係咪坐得好開 今次嚟到呢一間鋪頭佔地成層 星期日嘅夜晚都冇乜客人 所以每一台客都隔非常之遠 絕對唔會擔心 我哋首先叫左個牛舌 連我平時唔鍾意食牛舌嘅都覺得佢整得唔錯 好林唔會好難咬 跟住有軟殼蟹沙律 食返啲清新嘅沙律菜再配個炸得好脆嘅軟殼蟹 壽司拼盤佢有好多件唔同款嘅壽司 好多種魚平時都冇食開 都唔知係咩嚟嘅 不過食落去都好新鮮好甜 然後有比較貴嘅池魚刺身 每塊都好薄切 食落好鮮甜好好味呀 食到停唔到口 跟住就有呢度嘅蛋卷 蛋卷做得非常之滑 唔會話煎得好老 好似好容易整咁 仲有叫咗個炸豪一碟有四隻 個炸粉有啲厚 隻蠔比較細隻嚟到重頭戲燒海鮮盛盒 上面有一盤好生猛嘅海鮮 隻鮑魚係個網上面燒緊嘅時候仲識郁㗎 會有員工不停咁走過來幫你燒 同埋剪好晒先俾我哋食 好方便㗎 唔使整污糟自己隻手個盛合有鮑魚 生蠔 扇貝 蜆 最好食我覺得係個鮑魚 扇貝就煮得有啲老啦最後梗係要叫杯嘢飲啦 我試咗個巨峰啤酒 飲落去甜甜地 少少提子味 另外有杯白桃燒酒 好似桃味嘅汽水咁好滿足好飽嘅一餐 靜靜地食得好舒服