HIKARI

今日收工約左朋友係荃灣見面,最後黎左Hikari食個dinner. 餐廳以日系風格裝修，比人感覺舒適而且仲有閣樓座位比客人選擇。首先想讚下呢度既飲品，我地分別點左黑芝麻鮮奶Latte同鮮奶Latte, 用左好高難度既獨角獸同松鼠拉花，令到成杯latte加晒分，不得不讚下咖啡師既巧手食物方面，我地各點左2個主食。煎比目魚闊條麵：比目魚好大塊，醃得好好，一啲都無雪藏味！闊條麵唔會太咸。慢煮牛肩闊條麵：牛肩因為係慢煮，所以肉質滑嫩，而且咬落仲有肉汁，好juicy,火喉亦剛剛好！另外點左一口羊肉，好有羊既味道，加埋橄欖油又幾惹味，但又唔會太蘇難入口，喜歡羊肉既朋友唔好錯過～