黑門水產すいさん (棉登徑)

成日經開尖沙咀。心思思想試黑門水產。店內店外裝修走日本風。入到店內有種去咗日本嘅感覺❣️。刺身6盛拼盤有帶子。海膽。三文魚。吞拿魚。油甘魚。加一款唔記得咗個名添😅。刺身厚切肥美。新鮮有光澤👍🏻。黑門令大漁魚子醬脆脆包脆脆包上面鋪滿五顏六色魚生。口感非常豐富。打卡呃like一流😍。黑門三文魚加州反卷三文魚卷包著牛油果。超鍾意食🤤。黑門令蟹味噌甲羅燒店員主動幫忙燒。蟹膏味道超濃郁。放上餅乾一齊食真係好鬼夾❤️。蟹油蒜燒帆立貝加入蒜香牛油一齊燒。帆立貝索晒啲汁的確好滋味😛。巨峰乳酸奇異果梳打兩杯梳打唔太甜。解膩一流☺️。