黑門水產すいさん (棉登徑)

呢段時間都出唔到去食晚飯上兩三星期嚟咗呢間黑門水產食日本菜，呢間已經係有三個朋友推薦話想食，早前七月份終於有機會同朋友一齊嚟品嚐。我哋入到去兩個人好快就安排咗張好寬鬆嘅枱俾我哋坐，服務員好快就過嚟問我哋想食啲乜嘢，今次都係朋友推介話睇過啲食評有邊啲係精選我哋就嗌左。巨峰梳打同玫瑰梅酒都幾正，比起我幻想之中好飲，襯埋刺身感覺好Match。呢個晚餐最鍾意就係食佢個平目魚薄切刺身，重點係要配埋個酸汁簡直係絕配，食落口入口即溶個種感覺特別清新。另外成日去日本都會食一個有蟹蓋燒咁樣嘅東西，原來呢個就係叫做蟹味噌甲羅燒，食落去同去日本食嘅一樣滋味，而家去唔到旅行但係喺香港都可以食到，所以更覺矜貴。我個人認為除左呢兩樣有幾樣野都好食，黑門帆立貝伴魚籽醬，大漁貝燒同埋赤鬼海老天反卷都係值得推介嘅。晚上既堂食開番之後，下次會再約朋友黎食晚餐✔️😍