福丸水產 鉄板燒 日本料理 (已結業)

今晚約咗個朋友食飯，不過佢放工要OT 搞到好夜先食飯，搵到呢間福丸水產，9點後仲可以入座，就入黎試下宵夜時段食日本野。餐廳環境寬落座位都比較多。刺身六點盛合，賣相好吸引：三文魚腩，肉質偏爽，入口嫩滑，魚香重。油甘魚，肉質鮮甜，淋身，魚的油脂好香。甜蝦，蝦味好濃郁，連蝦腸都挑走埋，食落乾淨清甜。墨烏賊，嫩滑的墨魚夾住醬汁黎食，味道惹味，入口即溶。赤目魚，肉質嫩粉紅，入口清淡，味道好清甜。帶子，好肥美大粒，肉質滑溜。牛油果軟殼蟹卷，軟殼蟹好大隻，炸得香脆入味，咬落都有啲肉汁，味道突出，加上牛油果食落好清新。烤羊架，烤得剛熟，仲鎖住肉汁，味道鮮甜，羊肉味好濃郁，但一啲都唔騷。燒帆立貝，肉質爽口彈牙，新鮮美味，餐廳職員會係隔離幫手燒熟啲浜燒，火候都控制得好好。黃金蟹膏甲羅燒，有蟹膏，蟹肉，鵪鶉蛋等，味道富有層次感，好香濃。燒山女魚，用鹽燒，香味四溢，外皮乾身香脆，肉質白晳而嫩滑，魚的油脂香味都好重。日本產華味鳥鍋，有日本產的雞胸肉，雞脾肉同雞肝，鮮甜嫩滑，鍋入面有好豐富的材料，金菇，大蔥，粉絲，豆腐等，湯底是好鮮甜的雞湯，啲菜吸收晒啲都好好味。