鰻一炭燒鰻魚飯

营业中

休息中

香港少有嘅炭火燒鰻魚，餐廳環境充滿日本風格，就好似身處日本。座位雖少，但完全無逼嘅感覺。餐廳外，有Mon可以現場睇到炭爐燒嘅情況。炭火白燒鰻魚飯(大)蒲燒鰻魚就見得多，白燒鰻魚係就相對少見。所以今次決定試下白燒鰻魚。大嘅白燒鰻魚飯用充滿日本風嘅飯盒呈上，白燒鰻魚燒到金黃色酥脆，用左些少海鹽調味，同蒲燒鰻魚唔同嘅係多左脆口感，加入芝麻同紫菜拌珍珠米，及少量脆炸魚骨好香口，一同品嘗鰻魚嘅原汁原味。另外配菜有醃蘿蔔、柚子醬同瑤柱絲，配搭鰻魚飯亦有另一風味。炸鰻魚球 (海苔)、炭燒魷魚鬚、炭燒多春魚、炭燒牛舌芯小食方面，選擇都幾多，有串燒同炸物。炸鰻魚球揀左海苔味，一舊舊嘅鰻魚裹上炸漿，炸到香脆可口，但同時唔會太乾身。串燒方面味道亦唔錯，值得品嚐。桂花烏龍冷泡茶最後飲買桂花烏龍冷泡茶就完美，口感清甜，充滿桂花香。