影片
更多
2021-08-28
34 浏览
Work from home 的一天，趁早做完公司野就搵間串燒店食下串串飲個high ball 慰勞下自己。環境好有日本居酒屋的感覺，有隻巨型豬係牆上面，應該豬肉串燒係主打。一黎先上前菜同沙律-凍蕃茄: 甜甜酸酸好開胃-日本粟米: 超新鮮的粟米，完全唔需要調味料已經好鮮甜，甜度100分！燒帆立貝：帆立貝好巨型好厚肉！對比一般居酒屋的明顯呢度size 上完勝，厚肉得來仲好鮮味，簡單黑椒調味已經好足夠。豚肉鵪鶉蛋卷: 師傅烤肉的經驗好豐富，火喉拿捏得好好，烤出來有焦糖化的口感但又不會過焦。白金豚肉蘋果卷: 同樣白金豚係烤到微焦，好香口！加上蘋果的爽脆清甜，為整烤卷的口味添加幾分複雜，同時亦減少油膩感。豬大腸串: 中式炸豬大腸就食得多，今次的串燒豬大腸係另一種體驗，脂肪唔係好多，大腸皮烤到酥脆，非常下酒的一碟。西班牙夾心肉：食材本身高質，烤過後完全釋放西班牙豬香香的豬油味，但食落口並唔油膩，而係啖啖的肉香。最後叫左個雞翼串，諗住睇下豚肉以外的是否都烤得咁好。師傅手勢真係無得頂，雞翼烤到非常juicy 並且微焦的表皮相當香口。雞翼好有雞味食材新鮮，完全唔洗加調味料已經好滿足。
Work from home 的一天，趁早做完公司野就搵間串燒店食下串串飲個high ball 慰勞下自己。
環境好有日本居酒屋的感覺，有隻巨型豬係牆上面，應該豬肉串燒係主打。
一黎先上前菜同沙律
-凍蕃茄: 甜甜酸酸好開胃
-日本粟米: 超新鮮的粟米，完全唔需要調味料已經好鮮甜，甜度100分！
燒帆立貝：帆立貝好巨型好厚肉！對比一般居酒屋的明顯呢度size 上完勝，厚肉得來仲好鮮味，簡單黑椒調味已經好足夠。
豚肉鵪鶉蛋卷: 師傅烤肉的經驗好豐富，火喉拿捏得好好，烤出來有焦糖化的口感但又不會過焦。
白金豚肉蘋果卷: 同樣白金豚係烤到微焦，好香口！加上蘋果的爽脆清甜，為整烤卷的口味添加幾分複雜，同時亦減少油膩感。
豬大腸串: 中式炸豬大腸就食得多，今次的串燒豬大腸係另一種體驗，脂肪唔係好多，大腸皮烤到酥脆，非常下酒的一碟。
西班牙夾心肉：食材本身高質，烤過後完全釋放西班牙豬香香的豬油味，但食落口並唔油膩，而係啖啖的肉香。
最後叫左個雞翼串，諗住睇下豚肉以外的是否都烤得咁好。師傅手勢真係無得頂，雞翼烤到非常juicy 並且微焦的表皮相當香口。雞翼好有雞味食材新鮮，完全唔洗加調味料已經好滿足。
张贴
