和宴

营业中

休息中

小妹的肥老闆近排的心頭愛，唔想一個人去食，所以叫左我同另一同事去。早到所以冇咩人，我問肥老闆日本有燒烤既咩？佢話呢dee係韓國式黎，傳左去日本之嘛。唔怪得又似韓式又似日式啦！打開餐牌睇睇先，好有韓式feel喎。肥老闆話dee肉係日本黎既，韓式燒烤加日本野食，即係fusion？呢種fusion 係日本好heat 架。叫左靚個種牛肉(有兩三種，唔記得正確名稱)，牛肋骨，牛舌，牛心，蒜頭，凍蕃茄，同事叫左個海鮮湯，當然唔少得日本燒酎啦。呢到係網式燒烤，通風做得好，冇煙霧迷漫既感覺。食物唔洗講喇，dee牛舌同優質牛肉最好味，唔夠再order過。dee牛肉好靚架，所以唔洗加咩醃料，唔好燒全熟，點佢地既燒烤醬油就已經好好味啦！同事驚唔夠飽，叫左石頭鍋飯，飯焦脆卜卜，加埋韓國醬料，好味喎！慢慢燒慢慢食，不經不覺已飽飽，老闆萬歲，都要講句多謝既～多謝老闆！臨走，肥老闆話抵過係日本食，所以都幾多日本人黎食架。