鬼金棒

营业中

休息中

我諗有行開尖沙咀嘅朋友都聽過呢間野嘅大名。咁我就滿心歡迎咁入去啦，個日幾好彩等左一陣就有位。我同我個frd都覺得入面嘅設計係幾正嘅，有好多decro同埋background music夠澎湃。成功營造出主題餐廳嘅feel。不過坐得唔太舒服，啲枱排得太密集。我地叫左兩個味玉麻辣味噌拉麵。頭個兩啖都覺得碗麵幾好食，主要係個湯底好濃厚，啲麵掛湯。但食多幾啖就出事了，個湯底太重口味。碗麵愈食愈滯，個好味指數係直線下降。同埋碗野太多配菜，好難夾到拉麵。冇得係咁shu啲拉麵入口，間接影響左個爽快感。我同友人都認為碗味實在太油膩，雖然我地最後都食晒。可能係我地揀呢個湯底太濃啦，如果碗麵可以清淡少少就perfect了呢到價錢合理，個麵都有佢嘅可取之處。個人淨係推薦鍾意食油膩野同辣野嘅人去試。