GARIGUETTE (已結業)

日本大排長龍的店，黎到香港成為第一間海外分店。之前經過都有不少人排隊，閒日趁晚飯時段人少少前幫襯，坐得舒適又少人，方便打卡。店內有好大透明工作空間可以睇到製作過程，可見餐廳對自己食物製造過程相當有信心。原味士多啤梨拿破崙，招牌口味，拿破崙餅皮薄脆鬆化，散發淡淡焦香，咬落去卜卜脆。餅皮入面放滿忌廉同埋切片的士多啤梨，好足料。另點了個開心果口味，味道同樣清新。拿破崙餅皮好大，有手掌般大，餅皮有牛油味同焦糖味，好味。作為餐前小食或下午茶都不錯。