GARIGUETTE (已結業)

今日終於嚟到打卡啦！之前喺日本無食到，知道香港首間官方海外分店GARIGUETTE位於銅鑼灣Fashion Walk，今日特意前來。餐廳設有外賣同堂食座位，開放式廚房看到即場製作，自家創作的千層拿破崙 Mille-presse 即叫即製。NAPOLÉON（原味士多啤梨）杏仁拿破侖脆酥 / 特製吉士忌廉/士多啤梨櫥窗外見住一塊又一塊鋪上去，砌成花形，好有心機👍🏻新鮮的士多啤梨，味道酸酸甜甜，拿破崙千層酥真係好酥脆，入口好香嘅牛油味，面層更有燒焦的焦糖，食落好香，配埋吉士忌廉入口好滑溜，口感層次好豐富。Chataignes & Cassis（栗子忌廉黑加侖子）法國栗子蓉忌廉/黑加侖子栗子入口帶有自然的香甜味，同時又不會太甜膩，配搭黑加侖子味道又唔錯，口感鬆脆軟滑。