活一鮮

营业中

休息中

今日係西環附近行街，咁啱經過呢間餐廳，就同老公一齊去食吓活一鮮呢間日本菜，嚟到舖頭門外等左大約5分鐘就可以入座，舖頭分別有兩層，而職員帶左我地上二樓，安排我地坐2人位，但坐嘅位置之間有啲迫，而自己嘅個人物品無地方放，只好掛係張櫈到。叫左壽司拼盤有12件壽司🍣，可以試晒12樣款式都幾吸引，魚生一啲都唔腥都幾新鮮，壽司質素唔算太驚艷，但$168食到咁多款性價比好高。日本空運生蠔，4隻蠔全部都鮮甜好有蠔味，粒粒都好肥美，食落帶有海水味好正。黃金蟹羔，蟹膏壽司好濃郁，食落好creamy。珍寶赤海蝦刺身，蝦夠鮮甜彈牙。燒茄子連埋個麻醬同木魚一齊食好夠味好濃郁。明太子雞翼，雞翼好香，辣辣地好惹味。