MUM 日常野菜料理 (已結業)

雖然我唔係素食者，但今次已經係第三次嚟食了😇個人嚟講好鍾意呢間 「Mum日常野菜料理」🥰有睇過關於佢哋嘅報道，知道係以日本精進料理為基礎，用五色五味五法去製作～🔹五色：紅、綠、黃、白、黑色食材🔹五味：甜、辣、酸，鹹、苦🔹五法：烤、煮、炸，蒸，切(生食)定食有好多唔同種類嘅蔬菜選擇，仲真係食得出好新鮮👍🏻所以真係食過返尋味，係味道同口感都好豐富嘅素食！店舖係位於逸東酒店嘅Food court 裡面，所以可以坐嘅位都多。而我今次就叫咗個四項嘅日常定食。🔸日常定食（四項）🔸（$125）🔹定食配有五榖雜炊飯、味增湯、麥茶🔹本菇茶杯蒸🔹野菜天婦羅🔹紫薯紅菜頭青蘋果沙津🔹柚子醋漬蕃茄🔹南瓜薯餅（佢送㗎唔知點解）佢嘅味增湯好足料！蘿蔔、海帶、豆腐、菇同腐皮！（應該無漏哈哈🤣）飲落唔會好咸，唔會有口渴嘅感覺👍🏻唔知點解佢送咗個 南瓜薯餅 比我🤤 南瓜薯餅炸粉厚度適中，但感覺就炸得耐咗少少，但裡面嘅南瓜蓉就好腍亦有南瓜香😋紫薯紅菜頭青蘋果沙津 係我食咗3次😂我真係好中意！青蘋果同紅菜頭切成粒粒，加埋紫薯整成沙津波波🥺👍🏻👍🏻 酸酸甜甜亦好清新，好開胃！野菜天婦羅係炸秋葵、南瓜同冬菇～炸粉好薄食落仲脆卜卜