黑門水產すいさん (棉登徑)

之前久違地病咗一場，好返之後即刻約咗朋友食餐好嘅🥲我哋就揀咗呢一間喺K11附近嘅黑門水產食午餐，試吓由日本新鮮空運到香港嘅海鮮🤩🤩黑門令蟹味噌甲羅燒 ($72)作為頭盤，當然唔能夠太膩🤨先將蟹籽、香蔥、蟹膏混合，再放喺蟹蓋上面燒，香氣好快就已經能夠聞到🤩旁邊亦有香脆蒜蓉同餅乾俾我哋一齊夾住食，份量啱啱好😚黑門令龍蝦湯煮海鮮 ($88)係選用餐廳嘅龍蝦特別熬製作為湯底🦞菜式上面嘅海鮮基本上都吸到龍蝦同香料嘅味道😋海鮮鍋入面有龍蝦、田螺、魷魚、冬菇等等，細細兜但係入面嘅材料意外地非常豐富🤩活鮑魚刺身 ($98)花酒漬甘蝦刺身 ($88)餐廳職員將兩碟刺身放埋一齊，而佢哋建議會先食鮑魚刺身會比較好，因為花酒甘蝦會比較濃味，會蓋過鮑魚嘅鮮甜🙈鮑魚刺身真係好少試到，食落其實幾爽幾彈牙，係今次午餐最滿意嘅海鮮🥰而花酒甘蝦就用咗餐廳特別配製嘅花雕酒去醃製甜蝦，未食就已經聞得出有濃濃既酒香，食落更鮮甜冇咁腥👍🏻極上黑門活貝盛合 ($388)鎮店之寶海鮮拼盤🤗大致上有五種唔同嘅海鮮，每種有兩件，有鮑魚、帶子、生蠔、刀貝等，蜆嘅份量就多啲，全部用磯燒嘅方法製作🔥喺燒完之後能夠食得出海鮮嘅鮮甜，帶子喺同牛油