影片
更多
2018-11-29
1145 浏览
呢一日男朋友接我收工， 去到鰂魚涌附近諗住睇下有咩好嘢食，見附近開咗好多嘅餐廳， 而且有唔少嘅日本嘢食中，成條日本街咁。經過呢一間海街丼門口，非常古色古香，係和風嘅趟門，感覺好似去咗日本嘅舖頭咁，我哋就決定入去食。當日可能我哋入去嘅時間尚早， 六點半鐘未有太多人，感覺就好似包場咁，可以慢慢傾，不過一去到七點就有唔少客人入到嚟，即時變到好似日本嘅居酒屋咁，啲人一收工就來嘆下好西，非常熱鬧。丼飯嘅選擇都唔少，除咗招牌嘅海寶丼之外，亦有吞拿魚丼、天婦羅丼等。除此之外亦有唔少嘅前菜同小食，仲有魚嘅料理可以選擇，真係好掙扎，每樣都想試啲。結果我哋就叫咗一個凍辣番茄試下， 番茄非常大個，直情係大過一個橙， 食落充滿麻油、辣油同醬汁嘅香味，感覺唔太似食緊蕃茄，因為唔係好酸，但係醬汁嘅調味非常唔錯，惹味得嚟好開胃 ，而且凍凍地幾清新。而作為明太子控嘅我，一見到明太子真係忍唔住， 呢一個燒明太子嘅外皮好香口，有種焦香嘅感覺，入面就保持軟滑， 加上明太子嘅鹹香，亦帶有少少辣味，可以加埋蘿蔔蓉或者撈飯食，味道一流。而令我好驚喜嘅係，呢一個炸章魚水準好高，炸粉好薄， 章魚好爽口彈牙，鹹鹹香香好啱送酒。 同埋佢
經過呢一間海街丼門口，非常古色古香，係和風嘅趟門，感覺好似去咗日本嘅舖頭咁，我哋就決定入去食。
當日可能我哋入去嘅時間尚早， 六點半鐘未有太多人，感覺就好似包場咁，可以慢慢傾，不過一去到七點就有唔少客人入到嚟，即時變到好似日本嘅居酒屋咁，啲人一收工就來嘆下好西，非常熱鬧。
丼飯嘅選擇都唔少，除咗招牌嘅海寶丼之外，亦有吞拿魚丼、天婦羅丼等。
除此之外亦有唔少嘅前菜同小食，仲有魚嘅料理可以選擇，真係好掙扎，每樣都想試啲。
結果我哋就叫咗一個凍辣番茄試下， 番茄非常大個，直情係大過一個橙， 食落充滿麻油、辣油同醬汁嘅香味，感覺唔太似食緊蕃茄，因為唔係好酸，但係醬汁嘅調味非常唔錯，惹味得嚟好開胃 ，而且凍凍地幾清新。
而作為明太子控嘅我，一見到明太子真係忍唔住， 呢一個燒明太子嘅外皮好香口，有種焦香嘅感覺，入面就保持軟滑， 加上明太子嘅鹹香，亦帶有少少辣味，可以加埋蘿蔔蓉或者撈飯食，味道一流。
而令我好驚喜嘅係，呢一個炸章魚水準好高，炸粉好薄， 章魚好爽口彈牙，鹹鹹香香好啱送酒。 同埋佢令我諗起之前喺東京上野某間鰻魚專門店內食到嘅炸章魚， 絕對係回憶嘅味道！
食完小食，丼飯亦都送上檯。呢一個海寶丼(上)嘅套餐，附上小缽、魚湯，同啫喱醋， 同一般嘅海鮮丼並唔一樣，侍應係我哋食之前先介紹食法， 要先加入醬油食咗海鮮嘅味道先， 跟手可以落少少啫喱醋落飯， 最後先加魚湯變做茶漬飯。 淨係食法都有三種，夠曬特別！
丼飯入面嘅材料都幾豐富，有蟹肉、吞拿魚、三文魚子、帆立貝等， 聽侍應講，佢哋嘅海鮮係由日本直送，唔經買手運到香港，所以比一般嘅海鮮更加新鮮同埋質素更好。
聽到佢咁自信咁講， 我就知呢一個飯應該唔錯， 一食落去果然高質， 吞拿魚入口肥美、蟹肉鮮甜，加上脆脆嘅三文魚子，淨係食海鮮已經好滿足。
之後我再加少少啫喱醋落飯， 同一般嘅醋飯唔一樣，因為一般嘅醋飯多數係廚房整定，而呢一個丼飯係上咗枱先由客人自己加醋，可以自己控制口味 心，並唔會出現過酸， 又或者飯粒太淋嘅問題，食落除左香口， 啫喱醋亦帶起米味， 正。
最後食到三分一左右，就可以加埋個魚湯變成茶漬飯， 魚湯味道香濃， 飲落好 creamy，好滿足。 奶白色嘅魚湯配埋海鮮飯， 又係另一種食法，一丼三食嘅玩法真係好特別，感覺就好似嗌咗三碗唔同嘅飯咁， 真係好新鮮。
整體海鮮同食物嘅質素好高， 食物新鮮得嚟，煮法好有心思，下次可以再試埋其他食物。
张贴
