夢の丼 (已結業)

平時都好少去開土瓜灣，今次去先發現到原來好多特色餐廳。今次去試既餐廳夢の丼離地鐵站都係幾分鐘路程。餐廳主打日式丼飯同埋時令日本魚生刺身夢の丼 💰298三文魚蓉，三文魚子，帆立貝，牡丹蝦，海膽，松葉蟹，左口魚邊除咗材料好新鮮之外，特別嘅係佢哋嘅橙醋，加上去會有一種酸酸甜甜嘅味道，意外地配搭得好好。花錦魚生丼💰188中間個係玉子漬。材料亦都好豐富，有三文魚，白身魚，赤蝦，左口魚邊，蟹子，三文魚子，左口身邊，櫻花海老，青瓜和玉子。👇🏻👇🏻👇🏻👇🏻👇🏻日本直送飛機貨👇🏻👇🏻👇🏻👇🏻👇🏻河豚白子💰78 有河豚白子嘅日本餐廳多數都唔多，而日本直送空運更加少。本身都驚有腥味，但係食落一啲都唔腥，奶油般嘅口感。黃金武士蠔💰196 叫得黃金，梗係矜貴過普通嘅蠔。蠔味更為濃郁，仲有生蠔獨特嘅甜味。深海池魚刺身💰78 🥰推薦😍肉質鮮嫩肥美，帶有魚脂嘅油香。蟹膏豆腐💰48濃郁嘅蟹膏加埋富有豆味嘅豆腐，一濃一淡達致平衡。