亀井鮨 (已結業)

係銅鑼灣行完街，朋友推介去世貿3/F的《亀井鮨》食飯，佢地宜家全場食品有八折優惠，好抵食呀！《亀井鮨》係日本百年老店，今次呢間香港餐廳係佢地在海外第二間分店。餐廳主打壽司和刺身，食材除了由各地空運到港，仲會採購香港海鮮，食物都特別鮮!店舖裝潢以木系和白色為主，有長吧枱和卡位，非常闊落，空間感十足。店員服務態度非常專業，有禮貌又殷勤，令你置身於日本用餐一樣!極上壽司盛 $350 / 12貫壽司盛賣相好靚! 12貫包括有大鮪魚腩、油甘魚、深海池魚、鯛魚、左口魚邊、牡丹蝦、帆立貝、三文魚籽、日本海膽、穴子、玉子、鮪魚蓉卷。每款壽司都好高質! 海膽甘香又creamy、牡丹蝦彈牙又爽口、帆立貝軟嫩鮮甜。魚肉肉質厚切，脂肪比例均勻，有入口即融口感，又唔會有油膩感。三文魚籽鮮甜又鹹香、穴子綿腍香濃、左口魚邊微微火炙過魚油特別濃香。特別喜歡佢地的鮪魚蓉卷，用上五顏六色嘅芝麻灑面，非常吸晴仲充滿芝麻香。特上刺身盛 $420江户前百年壽司店，食材新鮮有保證，當然要嚐嚐刺身啦！呢款特上刺身盛一共有八款，每款有兩片，同朋友一人一件唔駛爭。刺身有赤身、三文魚腩、油甘魚、鯛魚、池魚王、間八薄切、帆立貝和赤蝦。赤蝦