焱丸水產 (已結業)

之前響尖沙咀食過呢一間餐廳， 知道原來響銅鑼灣又開咗！就同住港島嘅朋友試吓！ 因為佢哋一向都懶過海！呢度裝修同尖沙咀嘅差不多, 充滿着日式漁市場風味, 亦有專人幫忙磯燒, 我哋幾個舒舒服服吃新鮮海鮮。蟹首先係子蟹肉薯仔沙律，切件的薯仔沙律比平時薯泥更有口感, 咬嘅時候會實在。蟹籽咸香脆口, 咬上黎卜卜聲！令帶甜的薯塊味道更豐富, 味道好夾！不過蟹肉不算多, 如果再多會更正！七味豆腐只售＄38！超級推介！外脆嘅表層入邊有滑滑嘅豆腐！豆味香濃！上面仲有啲七味粉超級惹味！刺身頗大碟, 但每款味道都相當好。我最中意嘅係帶子，超級新鮮, 真正由日本空運，超甜又肉厚！三文魚好厚，食起來充實口感！章紅魚食落又甜又嫩！海膽更是近期吃過最好吃的大裝海膽, 好creamy！象拔蚌超爽口超甜！完全有別於平時我哋打邊爐食嗰啲！好彈好爽，甜味鮮味超正！食完味蕾仲有陣陣鮮味！壽司大小剛好！呢度嘅刺身真係超級新鮮！三文魚子粒粒晶瑩剔透，咬落卜一聲！鮮味滿瀉！海膽依然creamy 充滿海水味！甲羅燒可以話係呢一間餐廳嘅名物！由蟹子蟹膏蟹肉春旦，燒熱後然後拌勻，蟹味香濃！燒好後伴勻，蟹味十足嘅甲羅燒中間夾雜着粒粒蟹籽！