GARIGUETTE (已結業)

終於俾我試到呢間日本爆紅人氣的甜品Gariguette @gariguette_hk ， 佢哋嘅拿破崙千層酥餅喺東京，大阪，福岡都大受歡迎，成日都大排長龍，餅店上在年年尾喺銅鑼灣開咗第一間海外分店，所有食材用了，甚至乎機器都直接入日本空運過來，務求可以比客人食到最正宗的日本口味，客人點完餐之後，仲可以隔住個櫥窗睇住店員逐層逐層咁整整個拿破崙餅，睇住成個製作過程，都真係好療癒㗎🔮Napoléon招牌signature口味，杏仁拿破崙脆酥餅，可以話係整個甜品嘅靈魂之處啊，香脆鬆化，頂面上有一層微甜的焦糖，入口十分香脆，陣陣牛油香還有粒粒杏仁，口感鬆化得來很有層次，餡料方面有入有一層日式吉士忌廉，再喺忌廉上面鋪滿士多啤梨，整體味道清香微甜。 🔮宇治抹茶忌廉x士多啤梨宇治字抹茶粉與吉士忌廉混合而成的抹茶custard cream，茶味濃郁微甜，喜歡那道淡淡的回甘茶香，繼而鋪上一層士多啤梨，和紅豆蓉，再加上日本和菓子粒，一層一層餡料相當豐富，連拿破崙酥皮一大啖咬入口，先脆後綿再有煙靭感，口感層次，相當豐富呀