影片
更多
2021-05-04
2443 浏览
2021年4月25日 星期日今日又同老婆去到銅鑼灣澳門逸園中心搵嘢食，每次去都會有新發現，呢一次就試咗呢一間餐廳好快就入咗去坐低咗，再慢慢睇返餐牌發現有好多唔同種類嘅海鮮可以選擇，最後決定咗要磯野活魚海鮮盛合，貪佢包齊大部份我哋想食嘅海鮮，可惜我哋點餐嘅時候店員話無松葉蟹，會轉做同等價值嘅貝類海產，咁正好啱晒我哋心意，因為老婆唔食得蟹~~一點完餐之後店員就送上前菜，係新鮮蔬菜配鯷魚醬，鯷魚醬用左多春魚同沙甸魚混合而成，所以就咁食會幾鹹鮮，同新鮮蔬菜食就岩岩好，幾開胃之後店員就拎左海鮮出嚟俾我哋睇睇，見到全部海鮮都好新鮮，特別係鮑魚仲郁緊，而蝦都好大隻添，跟住店員就拎返入去燒，我哋就安心坐喺到等食無幾耐第一道海鮮就送到，係響螺刺身，師傅切得好薄，盡顯功架，一咬已經感覺到脆身，唔會好韌，點埋日本豉油同wasabi味道會更加濃郁接落嚟呢個係我最滿意既，伊佐木刺身，無諗過每一片都係咁薄切，白裡透明，擺盤好靚，食落去好有咬口，完全冇骨，十分高質之後有磯煮鮑魚，師傅已經切開一嚿嚿，方便進食，食落去好入味，一d都唔韌，感覺好似食緊糖心鮑魚咁呢一個係清酒煮帆立貝，煮完之後完全唔覺有酒味，可能已經揮發晒
今日又同老婆去到銅鑼灣澳門逸園中心搵嘢食，每次去都會有新發現，呢一次就試咗呢一間餐廳
好快就入咗去坐低咗，再慢慢睇返餐牌發現有好多唔同種類嘅海鮮可以選擇，最後決定咗要磯野活魚海鮮盛合，貪佢包齊大部份我哋想食嘅海鮮，可惜我哋點餐嘅時候店員話無松葉蟹，會轉做同等價值嘅貝類海產，咁正好啱晒我哋心意，因為老婆唔食得蟹~~
一點完餐之後店員就送上前菜，係新鮮蔬菜配鯷魚醬，鯷魚醬用左多春魚同沙甸魚混合而成，所以就咁食會幾鹹鮮，同新鮮蔬菜食就岩岩好，幾開胃
之後店員就拎左海鮮出嚟俾我哋睇睇，見到全部海鮮都好新鮮，特別係鮑魚仲郁緊，而蝦都好大隻添，跟住店員就拎返入去燒，我哋就安心坐喺到等食
無幾耐第一道海鮮就送到，係響螺刺身，師傅切得好薄，盡顯功架，一咬已經感覺到脆身，唔會好韌，點埋日本豉油同wasabi味道會更加濃郁
接落嚟呢個係我最滿意既，伊佐木刺身，無諗過每一片都係咁薄切，白裡透明，擺盤好靚，食落去好有咬口，完全冇骨，十分高質
之後有磯煮鮑魚，師傅已經切開一嚿嚿，方便進食，食落去好入味，一d都唔韌，感覺好似食緊糖心鮑魚咁
呢一個係清酒煮帆立貝，煮完之後完全唔覺有酒味，可能已經揮發晒，不過帆立貝嘅味道更加突出同濃郁，食落去好彈牙
跟住有浜燒鮑魚配柚子胡椒醬，食落去幾惹味，同之前食過嘅磯燒鮑魚完全唔同，兩個唔同嘅味道，燒完之後裡面仍然保持水份
接落黎有黑松露牛油煮帆立貝，一嚟到嘅時候已經充滿黑松露嘅香味，食落去有少少焦香，帆立貝好有咬口
呢個係剛才伊佐木魚既魚骨，師傅用咗炸天婦羅嚟處理，加上檸檬汁之後味道唔錯，咬落去好脆身，用嚟送酒一流
最後有炸蝦天婦羅，師傅話成隻蝦任何部位都可以食得，果然連蝦殼都可以食埋，每一啖都充滿蝦既味道，食到停唔到口，仲有蝦膏添
無諗過會食咗咁多海鮮，而且食得咁滿足
张贴
