一汁一菜 (朗豪坊) (已結業)

朗豪坊HAND3AG隔離就係一汁一菜，本身對依間輕食店都有興趣，所以一次過食2樣嘢😆發現咖喱飯超好食！🍛濃香牛肉野菌咖喱飯 $59依個咖哩係辛口嘅🌶但日式咖哩嘅辣係好易入口嘅💛本身以為d肉會係肉碎，點知係大大舊嘅牛肋條😳仲要炆得好淋好好食😋份量好多！咖喱同飯比例係一比一！🌽北海道產甜栗雞肉豆乳濃湯 $39濃湯個名真係無改錯！飲第一啖已經好似食咗好多栗米咁😍味道好清甜，唔會有加工嘅假味道！用料非常足，絕對對得住個價錢！🥫蕃汁菠菜芝士雞肉卷 $25🥓油揚豆腐黑豚薑汁燒 $25雞肉卷幾嫩滑，個汁酸酸甜甜有d西式嘅感覺！黑豚燒就煮得入味，油揚豆腐甜甜地最岩送飯😋