一汁一菜 (朗豪坊) (已結業)

實物與圖文勁不符叫左個二人餐比錢先發現要加一，Menu加一寫到勁細，留意唔到主菜叫左南蠻風味雞扒，樣貌差，味道都差壽喜燒牛肉還好，中規中矩湯叫左北海道產甜粟雞肉豆乳濃湯同高麗菜野菌豆乳濃湯，零豆乳味簡單黎講只係好似飲左粟米湯同忌廉湯咖喱叫咗個和風根菜雞肉漢堡扒，食唔到雞肉，好似食緊薯蓉整出嚟嘅餅真係好差好差差仲要間嘢有烏蠅，時不時食食吓都有烏蠅飛過嚟買單加一要$240，上去food court食Pepper Lunch仲開心過佢…查看更多

平日晚市唔洗等位, 職員收台同出餐迅速$89 主食+湯+飯+飲品 堂食收加一服務費北海道甜粟雞肉豆乳濃湯既甜粟味道很出色, 唯獨雞肉比較乾, 是沒有豆乳味的粟米濃湯自家製野菌醬燒和牛漢堡扒的既野菌醬偏酸漢堡扒是鬆軟, 如有肉汁會更好冷熱飲品同價…查看更多

這間餐廳有多間分店，主打健康日式家庭料理。裝修以簡約和風為主，半開放式的設計，不會覺得焗束，環境舒服。❇️法式龍蝦濃湯龍蝦湯質感比較杰身，味道好好而且濃郁。加入忌廉使湯更加香滑，內裡放了好多小龍蝦肉，令個湯增添鮮甜既味道。整體有口感，令人回味。❇️濃香牛肉野菌咖喱飯 咖喱飯比我想像中份量較大。辣度比較溫和，是日式的咖喱。咖喱香味濃郁，牛肋肉比較腍滑。加上日本產米！不錯！❇️蜜桃紅茶不過不失，甜度適中。…查看更多

在附近完成密室逃脫後，想到一間簡約清新的餐廳小酌一番。這間位於附近的日式洋食店剛剛好。餐廳的裝潢採用了簡約雅緻的日本風格，🎏用餐時可以透過掃描桌上的QR code下單，選擇適合自己的套餐。餐廳有各類套餐選擇，可以根據自己的喜好和食量來選擇: 📋1. 小菜定食 - $79起 - 包括一個湯、一個小菜、一份飯類和一杯飲品 - 適合單人或者輕食的顧客 🍴2. 主菜定食 - $89起 - 包括一個湯、一個主菜、一份飯類和一杯飲品 - 適合一般食量的顧客 🍽️3. 咖哩定食 - $99起 - 包括一個湯、一份咖哩、一份飯類和一杯飲品 - 適合喜歡咖哩的顧客 🍛4. 和風定食 - $109起 - 包括一個湯、一個小菜、一個主菜、一份飯類和一杯飲品 - 適合想嘗試多款菜品的顧客 🍱我選擇了和風定食套餐，包括一碗北海道甜粟雞肉豆乳濃湯、一道梅子拌菠菜豚肉、一份北海道蟹膏蟹肉味噌飯，以及一杯溫熱的蜜桃紅茶。 🍲🥢🍵湯品味道不過不失。🥬梅子拌菠菜豚肉-微酸的梅子醬與蔬菜肉類搭配清新可口。🦀蟹膏蟹肉味噌飯是必吃選擇，蟹膏濃郁，與溫潤的米飯融合，不錯！😋溫熱的蜜桃紅茶有適度的甜度,幫助消化。 ☕整體來說，餐廳的定食套餐種類眾多，適合工薪族或上班一族選擇。 亦適合休閒聊天! 👍📢觀塘開源道64號源成中心地舖…查看更多

之前經過去試吃左，睇上去可以就特地揀一日去試試。坐地鐵🚇去到旺角係朗豪坊都好搵，係B2層。揀左食經典蘿蔔豬軟骨飯套餐，豬軟骨很軟嫩，蘿蔔好入味，睇色水就知道十分入味。飯🍚也還可以，唔係爛飯。他們的湯就很一般，感覺湯水和西蘭花🥦素菜分開煮再混合一起就當湯喇。味道無，好淡，很一般。整體當探店試試就好啦，呢個套餐已經要98蚊啦，已加一。性價比唔高，試過就算。也無咩特別，純個人喜好，有人鐘意，經過無選擇都可以試下。😆哈哈！…查看更多

呢日一個人係朗豪坊，諗住食個快飯再去整指甲，就見到呢間一汁一菜，睇睇menu除左指定course套餐之外，基本上所有菜品都可以單點，於是就決定係度食居酒屋風雞鎚蒟蒻甜辛煮 $35味道方面不過不失，雞鎚有3件，蘿蔔同蒟蒻都幾入味，但如果可以俾筷子就會食得舒服啲西蘭花吞拿玉子沙律 $25西蘭花可能係凍既關係都比較硬身而且有草青味，撈左吞拿蛋沙律，但個人覺得比較乾身 由於我本身唔太食澱粉質，呢度可以自己配搭一個岩食既組合，都幾滿足到我需求，而單點既價錢都可以接受，不過份量方面就真係比較細份，一般人配埋飯食就會好d既。…查看更多

諗住食清淡健康啲，因為同無印嘅菜單同環境都好相似，所以好容易就會拎嚟比較。但發覺呢間嘢真係完全唔值得推介，主菜選擇少、環境唔算好乾淨會見到飛蚊、仲要俾錢先知要加一（份Menu係得好細行字先睇到堂食要加一，但未加一前個價錢就整得好明顯，比人覺得個價錢就係最終價錢…）但最大鑊都係個味道同質素，我叫咗南蠻雞雞扒但你會感覺係好酸而且肉好嚡，你會忽然覺得同無印嗰種食物嘅質素真係爭幾個層次，所以希望唔好有人再中伏，如果見到有人想入嚟間餐廳我都會想叫佢唔好入嚟…查看更多

今次嚟到旺角朗豪坊食日式野。一坐低枱面就已經有餐牌，決定食乜後自己行去cashier買，然後職員會送食物去到面前。我哋叫咗個2人餐：✅湯2碗🥣一汁一菜和牛羅宋湯：有2粒和牛，好多洋蔥🧅特濃蕃茄味🍅（期間限定）花菜巴馬火腿濃湯：有啲鹹，有啲油：有啲稀，麻麻地✅主菜/前菜2款豚肉壽喜燒：有啲洋蔥同菇做配菜，豚肉唔肥唔油，幾好味（期間限定）西蘭花吞拿玉子沙律：creamy, 有真西蘭花，幾好味✅咖喱飯1款濃香牛肉野菌咖喱飯：鬼佬好鐘意，好多咖喱汁，飯係用日本米👍🏻份量適中✅1個石窯麪包：普通餐包一個，冇乜特別，不過暖暖哋幾好☺️✅熱/凍飲品2杯凍烏龍茶熱蜜桃紅茶2人餐（加埋一）$229，性價比係ok的。下次經過唔知食乜可以試吓😊…查看更多

今日同朋友去咗旺角見面大家都有想喺朗豪坊食個Lunch於是就去呢間好似幾日式嘅餐廳我地一人order咗一個89起嘅Lunch set個lunch set包括湯、主菜、飯同飲品我就揀咗飲龍蝦湯(另外加$10)個湯味道都幾濃而且比想像中都等好飲仲有少少龍蝦肉喺入面而主菜就揀咗沖繩豬軟骨不過呢個就有d失色豬軟骨煮得唔夠入味同淋反而蘿蔔仲好味味道就不過不失飲品我地都order咗佢個凍嘅蜜桃茶又幾好飲雖然細杯咗少少…查看更多

｜一汁一菜 健康米氣選🍚|昨天午餐到了朗豪坊底層發現了一汁一菜 第一次吃😀想跟大家分享喔我點了主菜定食:（埋單98元）🥣湯品:高麗菜野菌豆乳濃湯-這個濃湯野菌味很重，野菌了也很多，增加纖維量，很喜歡🥘主食：沖繩汁燒大根豬軟骨 -豬軟骨的份量很多，也很清甜，吃很滿足😌🍚米飯：日本米飯❤️這裡環境餐廳環境很舒服，讓我可以安靜地慢慢享受午餐時光。📍一汁一菜 (朗豪坊) (旺角)旺角亞皆老街8號朗豪坊B2樓26-27號舖…查看更多

今次我黎到咗「一汁一菜-旺角」啫，一入門口就感受到啲法式嘅浪漫氣息。嚟呢度，點可以唔試下佢哋招牌嘅法式龍蝦濃湯？勁！湯色金黃，龍蝦味濃得嚟唔覺得膩口，夾埋啲龍蝦肉咬落去，新鮮彈牙，質感一流🦞。緊接住食嗰個北海道甜粟雞肉豆乳濃湯，呢個就真係一個字 - 鮮！味道細膩，入口即溶，簡直係暖笠笠嘅幸福感覺。來緊嚟講下主食，沖繩汁燒大根豬軟骨啊~，佢嘅豬軟骨煮到啖啖肉都好入味，質地腍滑得黎又帶啲咬勁，夾埋啲汁燒大根，食落真係爽口又滋潤。轉個口味食埋件明太子醬厚燒玉子，先知道啲小細節都做得咁貼心。雖然係涼嘅，但喺細膩嘅口味上面，明太子嘅咸香咁啱好搭配嗰陣甜，足以令人一試難忘。今日嘅食評，我想最後提一下，餐具都幫到手哋。由之前嘅紙碗提升到雅緻嘅日式餐盤，食物擺盤靚，心情都跟住好。好似話，唔單止口福滿足，連眼福都有份享受，呢啲細節真係值得一讚。最後，記住係唔使等搭飛機，喺香港就食到，咁滋味嘅一餐，我真係幾滿足喎🍱🌸🥰。…查看更多

嘢食好難食，d嘢凍過雪糕，豚肉乾到龜裂鞋過紙板，勁難食！完全係翻熱食物！仲收我99仲要+1d濃湯都係罐頭湯越食越漏。。。仲要收我99，完全唔值得絕對唔會再食一次…查看更多

行過幾次，見到門面同sell 日式咁，款式都多選擇，今日終於試左，但好後悔，有位都未必會再去。叫左個89蚊起套餐，有湯、主菜、其他（包或飯等）同茶。我叫左羅宋湯、豚肉壽喜燒、溏心蛋飯、蜜桃茶，埋單連加一要$120。個羅宋湯根本係蕃茄湯加幾粒牛，仲加左切角檸檬，完全唔知點解叫羅宋湯；個豚肉壽喜燒份量多但關東煮既汁同豚肉鞋到湯渣咁。。。到個溏心蛋實心既。。。最正常係杯蜜桃茶。隔離叫左甜品，聽到話好食既，不過我就無試喇。…查看更多

極少有衝動寫食評下午茶時間，又冇食lunch，諗住入去食D嘢簡單醫肚第一眼唔係好明個餐牌D餐係點叫收銀個姐姐一臉不耐煩🙄️叫咗個糖心蛋飯加杯熱綠茶可惜唔記得影相只可以話，賣相同埋味道真係畢生難忘🤮隻蛋又乾又細隻冇汁上面求其有幾粒極難食極難食嘅蔥粒盛惠 $60 加一我都明大家都係打份工，不過咁樣做嘢真係點過到自己個關? …查看更多

睇到其他人嘅差評，原來冇吹水平時唔寫食評嘅我第一次寫食評你哋公司如果係冇服務就唔應該收加一服務費，仲要個戴水晶樓面同事服務態度極差，大把枱都叫我哋3個人等，有枱客人同佢講話可以搬過隔離張枱叫佢可以轉做4人枱俾我地，佢又懶得做咁話唔好，之後自己行開玩電話，我地就咁喺門口等，其他2位嗰啲客人就自己行入去坐，之後枱客走左又唔知，我地自己行入去仲要行過去叫佢幫我哋執枱，唔知呢個同事係唔休做為興趣，定係間餐廳員工文化係咁啦作為客人只是想開開心心食餐晚餐，唔係想做x客R 著數，我都唔介意你地高層睇當晚CCTV 你啲員工做過咩如果呢間公司以日本概念做品牌，啲野食一般而且連日本基本文化<禮貌>都做唔到，咁唔該呢間所謂嘅餐廳改名做美食廣場都冇咁嬲…查看更多