黑門水產すいさん (棉登徑)

最近肺炎既情況下都少食左生冷野好耐，所以就將積埋既quota，一次過食間好既日本野喇！今次食既係尖沙咀既黑門水產，位置十分便利。入到去裝修都幾有心思，周圍都好多日本風既裝飾，仲發現原來唔少明星都來過！成本meun 勁多選擇！真係令人目不暇給！不過我地太肚餓就先叫幾樣賣相最吸引架喇！落完單飲品好快就到左，分別係海底之心（$68) 同巨峰乳酸($58)。首先賣相己經100分，而且飲落係好舒服既梳打同果汁味，絕對唔會似藥水。緊接住上到來就係黑門帆立貝伴魚子醬（$136 2件）、刺身6盛（$298）同埋黑門令大漁魚子醬脆脆包（$78）。原來帆立貝襯魚子醬係咁夾架，超級鮮甜！刺身盛超級抵身，大大件仲超新鮮甜美！如果出去食同樣肯定唔止呢個價。個黑門令脆脆包真係激正，將最濃鮮嘅海膽、吞拿魚腩蓉、三文魚籽等堆滿在脆包上，一咬鮮味就在口腔內爆發，真係不得了！第三樣就係海老天婦羅5本（$180），有冬姑，蝦同青椒仔，全部新鮮即炸，勁脆勁香口！黎到黑門水產，點可以唔食佢地既燒烤！ 今次一口氣叫左4款 分別係極上大魚貝燒（$88），蟹油蒜燒帆立貝（$78），黑門令蟹味噌甲羅燒（$72），同赤鬼蟹味噌甲羅燒（$