鮨真 (已結業)

剛剛上完, 突然好想食壽司所以就去咗附近一間壽司店, 網上見到人哋對佢風評唔錯所以特登過嚟試一試。 佢座落係尖沙咀， 地鐵站附近行五分鐘即達， 交通十分方便。餐廳裝修時尚優雅， 雖然中午望出去風景冇夜晚咁出色， 不過都令人好舒服。入到去，侍應好快出嚟招呼我去師傅前嘅吧枱坐， 個人好欣賞坐喺師傅前面等待廚師發辦呢種感覺，好有日式風格。我叫咗在一個八貫套餐， 首先前菜有日式沙律同海鮮蒸水蛋。個人十分欣賞個蒸蛋，超級滑。1. 依組目壽司魚肉有彈性，師傅加埋醬汁同芥末再上碟，味道一流。2.沙疊魚壽司味道鮮甜，好食。3.章紅魚壽司油脂分佈出色，配埋清爽嘅蔥，配搭一流。4. 池魚仔壽司爽口彈牙，味道一流。5. 赤海蝦壽司海蝦新鮮，蝦肉結實有口感。6. 北海度帶子壽司帶子有淡淡海水味，清新鮮甜。7. 中拖羅壽司油脂適中，十分美味。8. 海膽壽司鮮甜無腥味，好新鮮。9. 冬瓜乾壽司冬瓜乾口感好特別，酸酸甜甜，好好食。基本上，成個餐都好飽， 套餐包烏冬/蕎麥麵/麵豉湯， 因為覺得都已經好飽所以我揀咗麵豉湯。最後，甜品係豆腐雪糕， 味道清新有淡淡豆腐香 ，為一餐畫上完美嘅句號。