影片
更多
2018-09-03
73 浏览
以前聽過一個去北海道旅行既朋友講，當地既湯咖哩真係好正，奈何一直無機會去當地品嚐，今次難得係香港見到有得食，當然要試下啦餐廳裝潢風格走日系cafe路線，感覺自然舒服～飲品方面，叫左橙汁同Haskap soda值得一提既係haskap soda，味道唔錯，似某羅拔臣啫喱味，上網睇先知道原來係北海道既一種特產果實，甜度適中，杯梳打仲好夠氣湯咖哩有一個跟餐既沙律，好鐘意個球薯蓉主角當然係湯咖哩啦揀左雞脾肉湯咖哩同普通日式咖哩唔同，佢係北海道既特產名物，咖哩汁並無平時既濃稠，用上好多香料、蔬菜等去熬製湯底，食落亦唔會好似平常咖哩咁辛辣，撈飯食好正呀每種蔬菜都有另外處理過先用黎製作湯底，例如西蘭花有煎過雞脾肉煮得好嫩滑，一夾就離骨！小食叫左兩款，分別係”how do you like HOKKAIDO” 同埋揚出豆腐。How do you like HOKKAIDO? 睇個菜式名真係一頭霧水😂好彩menu 有介紹番其實係咩黎，原來係北海道既薯仔、茄子，再加上鮮茄醬同芝士，隨碟仲有三塊香脆多士。鮮茄醬既味道好「真」，無平時茄汁/茄膏個種加入左大量糖既甜度，同芝士既balance 唔錯揚物豆腐，估唔
餐廳裝潢風格走日系cafe路線，感覺自然舒服～
飲品方面，叫左橙汁同Haskap soda
值得一提既係haskap soda，味道唔錯，似某羅拔臣啫喱味，上網睇先知道原來係北海道既一種特產果實，甜度適中，杯梳打仲好夠氣
湯咖哩有一個跟餐既沙律，好鐘意個球薯蓉
主角當然係湯咖哩啦揀左雞脾肉
湯咖哩同普通日式咖哩唔同，佢係北海道既特產名物，咖哩汁並無平時既濃稠，用上好多香料、蔬菜等去熬製湯底，食落亦唔會好似平常咖哩咁辛辣，撈飯食好正呀
每種蔬菜都有另外處理過先用黎製作湯底，例如西蘭花有煎過雞脾肉煮得好嫩滑，一夾就離骨！
小食叫左兩款，分別係”how do you like HOKKAIDO” 同埋揚出豆腐。
How do you like HOKKAIDO?
睇個菜式名真係一頭霧水😂好彩menu 有介紹番其實係咩黎，原來係北海道既薯仔、茄子，再加上鮮茄醬同芝士，隨碟仲有三塊香脆多士。
鮮茄醬既味道好「真」，無平時茄汁/茄膏個種加入左大量糖既甜度，同芝士既balance 唔錯
揚物豆腐，估唔到炸過既豆腐仲可以保持得咁滑溜，木魚份量好多，但整體驚喜不大。
俾錢嘅時候先知道餐廳嘅老闆係由日本既北海道而黎，好nice, 仲比左北海道限定既白雷神朱古力我地，好好食呀！
张贴
