影片
更多
2023-11-18
316 浏览
今日我哋黎圍方食烏冬🍲天氣開始轉涼啦，凍冰冰食返碗熱辣辣嘅烏冬最正於日木名古屋具百年歷史的「山本屋」，首間海外分店選址圍方，每次經過大排長龍，無論係平日的晚市同假日嘅午市及晚市都非常多人排隊，今次我哋醒目揀咗平日嘅早晚市大約5:30去到餐廳就冇人排隊啦每一場嚟到當然要試吓最出名嘅味噌烏冬啦美國安格斯牛肉配味噌湯烏冬店員呢好細心嘅就會問你想啲烏冬煙靭啲啊定腍啲，如果要煙靭啲呢就會即時打開煲蓋，如果要腍啲呢就會再焗多幾分鐘先再打開煲蓋我自己就鍾意食煙靭啲，烏冬呢同平時我哋食嘅烏冬好唔同，比較扁同粗身啲，真係做到煙靭嘅口感，而且都幾掛湯，味噌味呢偏濃味，但係唔係死鹹唔會食完成碗要瘋狂飲水，安格斯牛呢就普通冇乜特別，但係都算幾足料有5-6塊親子黃金鰹魚清湯邊款相對比較清，親子就即係滑蛋同雞啦，本身每一款嘅烏冬都配有腐皮，蛋同京蔥！可能本身個湯呢比較清，結果比啲京蔥嘅味道蓋過晒，變咗京蔥湯咁🫠 不過雞肉幾嫩滑👍🏻蟹棒天婦羅呢個超級大滿足，原本兩件以為係一條蟹柳開一半，點知佢真係俾足兩條蟹柳仲要好大條，炸到好香又唔會好乾身，好好食🤤燒地雞手羽燒得好香口，做到外脆內軟，雞肉都好嫩滑，面頭加埋芝麻更加
天氣開始轉涼啦，凍冰冰食返碗熱辣辣嘅烏冬最正
於日木名古屋具百年歷史的「山本屋」，首間海外分店選址圍方，每次經過大排長龍，無論係平日的晚市同假日嘅午市及晚市都非常多人排隊，今次我哋醒目揀咗平日嘅早晚市大約5:30去到餐廳就冇人排隊啦
每一場嚟到當然要試吓最出名嘅味噌烏冬啦
美國安格斯牛肉配味噌湯烏冬
店員呢好細心嘅就會問你想啲烏冬煙靭啲啊定腍啲，如果要煙靭啲呢就會即時打開煲蓋，如果要腍啲呢就會再焗多幾分鐘先再打開煲蓋
我自己就鍾意食煙靭啲，烏冬呢同平時我哋食嘅烏冬好唔同，比較扁同粗身啲，真係做到煙靭嘅口感，而且都幾掛湯，味噌味呢偏濃味，但係唔係死鹹唔會食完成碗要瘋狂飲水，安格斯牛呢就普通冇乜特別，但係都算幾足料有5-6塊
親子黃金鰹魚清湯
邊款相對比較清，親子就即係滑蛋同雞啦，本身每一款嘅烏冬都配有腐皮，蛋同京蔥！可能本身個湯呢比較清，
結果比啲京蔥嘅味道蓋過晒，變咗京蔥湯咁🫠 不過雞肉幾嫩滑👍🏻
蟹棒天婦羅
呢個超級大滿足，原本兩件以為係一條蟹柳開一半，點知佢真係俾足兩條蟹柳仲要好大條，炸到好香又唔會好乾身，好好食🤤
燒地雞手羽
燒得好香口，做到外脆內軟，雞肉都好嫩滑，面頭加埋芝麻更加香！
整體嚟講都唔算差嘅，但係如果你要我排一個鐘頭隊先食到我就覺得好似唔係好值得，如果唔使排隊嘅或者半個鐘頭內嘅都可以一試嘅！食完又唔會話好特別好驚喜嗰種感覺冇哇哇聲囉，感覺就係哦～原來係咁🤭
山本屋 (大圍)
回顧率🌸：6/10
食物質數🤤 ：6/10
環境⛲️：7/10
服務👩🏻💼：7/10
地址：大圍車公廟路18號圍方5樓527號舖
张贴
