日悅極尚日式放題 (已結業)

近排幾多人推介嘅親子餐廳，係食日式自助放題。不過可以更抵嘅價錢，就係食定食啦。$60左右就有一份，包少少刺身，沙津，湯。真係非常之咁抵食。有三文魚刺身同赤貝，正常質素啦。 因為係自助放題，所以飲品係出面自己揀。定食就當然係一份就揀一款飲品啦。一般汽水、枝裝、紙盒裝飲品都有。放題來黎選擇都ok。 雜錦天婦羅配冷麵  天婦羅份量都唔少野，大蝦、蟹柳、南瓜、薯仔等。冷麵夠冷已經可以，味道就真係普通貨色了，總算誠意搭夠。 豚肉生薑燒 煮得入味，味道正常，豚肉夠多足夠送飯。 稱為親子餐廳，因為場內有一個小小嘅兒童遊玩。當日人少少，幾乎包場。幾樣遊樂設施，足夠2歲左右細B玩一餐，開心一輪。 假日出街消費，每個定食$60左右嘅價錢，食物味道正正常常，有得玩有得食，邊度搵？