古今

营业中

休息中

今日同friend去咗旺角行街，經過雅蘭想食日本嘢，就嚟到呢一間古今。座位都幾闊落。多啲朋友過嚟都唔怕迫。今晚我哋兩個人嗌咗以下呢幾款嘢食。雜錦刺身沙律（$58）沙律上有三文魚吞拿魚刺身，蕃茄仔加埋酸酸甜甜同微辣嘅沙律汁，一齊食入口 都幾清爽 好啱夏天食！櫻花蝦原條茄子燒（$88）櫻花蝦煎到香脆脆，搭埋軟綿綿嘅茄子，茄子甜甜地第一次食呢個組合都幾好食！蜘蛛壽司（$103）呢個壽司嘅造型有啲搞笑，好似蜘蛛咁。炸過嘅軟殼蟹卷物再有青瓜，牛油果同埋蟹柳，口感都幾豐富。火山壽司（4件 $68）呢款壽司造型都幾得意，上枱仲會點火，造型真係好特別啊，好似火山爆發咁！有帶子、青瓜，牛油果同埋蟹 賣相好特別！雜錦天婦羅（$88）幾款唔同嘅天婦羅，有齊炸蝦、南瓜、茄子、番薯同冬菇，幾款都炸到香口酥脆，而我最鍾意食炸蝦！整體嚟講，古今啲菜式都唔錯，加埋啲菜式創意小心思，都可以約埋朋友一齊過嚟慢慢食！