心之食堂 (裝修中)

收工同朋友黎到銅鑼灣耀華街的樓上鋪，家庭式的日式食堂，好耐之前同朋友黎過心之食堂，今次叫左其他唔同既野食。心之蛋卷$88蛋卷係玉子燒，配上芝士，蟹子，加埋沙律同茄汁，多重味道。原條鰻魚石鍋飯$118鰻魚大大條好吸引，汁都燒得好香，加埋石鍋飯的飯焦，十分惹味。三文魚刺身，刺身十分厚切，亦好新鮮，咬落好有鮮味，十分抵食。心之火焰鐵板牛柳串$88賣相一流，有薯角，甜波羅，上碟仲會倒酒，火陷的賣相好靚。牛肉串燒一口青椒，一口牛肉，咬落好juicy,充滿肉汁，味道好濃郁。