焼き鳥。来 (已結業)

我喺太子食糖水，每次經過轉角位都覺得串燒店「焼き鳥。来」裝修得好靚✨。呢晚預咗睇波，所以食完甜品再買宵夜返屋企。串燒店老闆儀式感十足，當我落完單之後，佢行咗入去戴返頂帽出嚟燒烤👨🏻‍🍳，似模似樣，氣勢十足。師傅非常用心燒烤🔥👍，每串反覆拎起睇吓燒成點，塗啲醬汁又再燒過。即使係外賣，不過啲串燒賣相都好靚仔🍢，每串燒至黃金色，好多醬汁，唔會乾噌噌。食辣嘅話，則可自行落辣粉🌶。風箏燒雞皮($15)，燒雞皮好多地方都有得食，但撐成風箏咁嘅形式真係第一次見🪁，非常過癮呢。雞皮攤開晒，成塊燒至脆卜卜，好鬼正，我認為直頭脆過薯片添😋。赤魚一夜干($58)，🐟一夜干味道唔錯，白身魚燒完都仲好嫩滑，魚肉結實，而且一啲都唔腥，又唔會太多骨。第一碟嘅款式(由左至右)包括紫蘇無骨雞中翼($25)、雞胸脆骨($28)同埋多春魚($15)。🍗雞翼去骨，大大啖肉之餘，入面仲釀咗紫蘇葉，有浸好獨特嘅香氣🌿。雞胸脆骨都好食，爽脆。多春魚就一般，原來一串得一條，唔抵食。第二碟嘅款式(由左至右)包括墨魚丸($12)、牛肉串($28)同埋洋蔥五花腩肉串($23)。🐮牛肉肉味幾濃，肉質難得唔嚡，並附黑椒香。🐷五花腩串將油脂位燒