古今二 (荃灣千色匯I) (已結業)

古今二 (荃灣千色匯) (荃灣)荃灣眾安街68號荃灣千色匯1期3樓3013號舖已經係第三次嚟食啦，因為好近公司，所以好就腳，夏天食下d卷物就最開胃了🥗日式麻醬豆腐沙律$78 冰凍嘅豆腐淋左麻醬，好綿滑，沙律菜新鮮爽口🥑青龍卷$98 賣相精緻，好似一條青色嘅小龍，係牛油果加紫菜卷出嚟嘅，口感豐富🍣相撲力士$109 分別係三文魚同其他兩款魚卷出嚟㗎，呢個口感更加豐富🐚秘製蒜香牛油燒帆立貝（一串) $38鮮香味美，一口大滿足🐷黑豚豬頸肉串燒（一串）$28香甜嘅照燒汁佈滿在爽脆嘅豬頸肉上，啖啖肉，好正夏日晚飯好去處，炎炎夏日，會搵日放工，再翻來試埋其他卷物