南瀛水產

依間喺尖沙咀嘅居酒屋好有日本feel,服務周到，特別係會幫你親自燒海鮮，唔怕自己燒得過熟而浪費左啲海鮮。牛油焗一口甜薯$48好香牛油味，食落甜甜地，口感軟糯。雪魚乾$78送酒一流，燒得香脆。壽司盛$308估唔到壽司都做得唔錯，食落件件都好新鮮，特別係油甘魚食落充滿脂香。蚧味噌甲羅燒$136除咗蟹膏，仲有蟹肉同蟹子，口感好豐富，，味道甘香，食到停唔到口，真係一人至少叫一份。活貝盛盒$388望住佢地喺水箱撈起啲海產，保證新鮮。件件都好大隻，味覺鮮甜，燒完仲帶少少焦香。和牛粒炒飯$168好大份，兩個人絕對食唔哂，如果和牛粒多啲會更好。熱情菠蘿燒酎$78芒果乳酸$48飲品方面較為失望，一來同menu張相完全唔同，賣相一般，二來酒味不足，希望下次黎會有改善。