影片
更多
2024-01-03
32 浏览
最近佐敦個廟街夜市特別旺，其實呢個地方都有好多出色嘅小店餐廳！呢間甜品Cafe細細間，裏面係溫馨嘅木系裝修，主打窩夫同疏乎厘pancake，款式特別多，全部都好吸引！如果唔想食甜品，仲有鹹食嘅窩夫同意粉可以選擇～Cafe環境唔算太大，只容納到十幾位客人，所以想嚟試嘅朋友最好都book定位！------------------------------🐓◖煙燻照燒雞肉牛油果配窩夫◗ $88呢個係鹹食窩夫，有兩大嚿窩夫，配上大大塊照燒雞扒同¼片牛油果，加上沙律做配菜，成個拼盤都好豐富！雞扒都煎得幾軟嫩，唔會乾柴；窩夫外脆，裏面嘅質感好鬆軟，軟綿綿咁，而且夾雜着啲番薯，自身已經夠香甜！🧇◖煙三文魚牛油果配窩夫◗ $88呢個係另一款嘅鹹食窩夫，同樣有兩大嚿窩夫，配上四大片煙三文魚、¼片牛油果同沙律。可以將塊三文魚鋪喺窩夫上面，鹹鹹甜甜咁，配合窩夫外脆內軟嘅口感，呢個組合都幾特別，推薦！🥞◖流心阿華田疏乎厘◗ $138疏乎厘都係餐廳招牌之一，必點！疏乎厘有三大嚿，好動L好鬆軟！疏乎厘面頭淋上朱古力醬同阿華田脆脆，切開佢裏面仲係半流心嘅狀態，超鬆軟，入口即溶嘅感覺，整體食落唔會太甜！☕️◖Espres
------------------------------
🐓◖煙燻照燒雞肉牛油果配窩夫◗ $88
呢個係鹹食窩夫，有兩大嚿窩夫，配上大大塊照燒雞扒同¼片牛油果，加上沙律做配菜，成個拼盤都好豐富！雞扒都煎得幾軟嫩，唔會乾柴；窩夫外脆，裏面嘅質感好鬆軟，軟綿綿咁，而且夾雜着啲番薯，自身已經夠香甜！
🧇◖煙三文魚牛油果配窩夫◗ $88
呢個係另一款嘅鹹食窩夫，同樣有兩大嚿窩夫，配上四大片煙三文魚、¼片牛油果同沙律。可以將塊三文魚鋪喺窩夫上面，鹹鹹甜甜咁，配合窩夫外脆內軟嘅口感，呢個組合都幾特別，推薦！
🥞◖流心阿華田疏乎厘◗ $138
疏乎厘都係餐廳招牌之一，必點！疏乎厘有三大嚿，好動L好鬆軟！疏乎厘面頭淋上朱古力醬同阿華田脆脆，切開佢裏面仲係半流心嘅狀態，超鬆軟，入口即溶嘅感覺，整體食落唔會太甜！
☕️◖Espresso Tonic Water◗ +$26
☕️◖Americano◗ +$18
🌟Encore指數：9/10
张贴
