大和牛石燒專門店 (已結業)

位於觀塘嘅大和牛同其他日式牛扒店唔同除咗牛扒之外仲有得揀漢堡包套餐， 如果唔鍾意漢堡包食牛扒亦都可以， 十分多元化選擇。餐廳寬敞，整潔衛生， 地理位置有十分方便鄰近九龍灣地鐵站， 絕對係同朋友聚會食飯嘅好去處。同其他牛扒店一樣餐廳都有提供任食沙律, 麵豉湯同白飯。 紐西蘭PS頂級肉眼， 肉質鮮嫩大大塊嘅肉眼扒最有200 gm, 肉扒好厚實,  烤到七成熟剛剛好，配埋燒汁，味道十分鮮味。 美國安格斯牛膈肌， 美國牛出名牛味重， 而且仲要係爽嫩嘅牛膈肌， 個人覺得味道一流。我哋每人都加15蚊升級咗做套餐會配一個小食同一罐汽水。美國焗薯條， 焗薯條十分好食， 大大條十分抵錫。炸雞塊， 外脆內軟，大大件雞塊， 肉質唔會太老， 十分好食。佢嘅汽水都有好多選擇，我同朋友就分別叫咗雪碧同忌廉， 汽水都說得夠凍。