稻八日式火鍋炸物放題 (已結業)

再次黎到大埔稻八，因為想試下冬蔭公湯底。不過今次係即慶，訂唔切枱，所以等左大半個鐘先可以入座。同行朋友又想試埋豆乳湯，結果我地揀左鴛鴦湯底。冬蔭公湯底都幾足料，泰式香菜同菇類都有齊，唔似出面用粉開湯底。豆乳湯一聞就聞到豆乳味，好似用奶打邊爐咁，我自己就未試過，感覺新鮮。食物質素唔需要懷疑，肉類真係一如以往的高質，同行朋友都覺得抵食。仲可以教小朋友自己整炸物，好食又好玩。上次黎主攻肉類，今次我自己就想試多d 丸類同其他配菜既質素，結果都係預期中的好。最後當然唔可以錯過飯後甜品，有雪米糍同雪條選擇，我當然2樣都食哂啦。