牛牛日式火鍋放題 (北角匯二期) (已結業)

仲食火鍋⁉️今日唔想煮飯啊，又火鍋癮起，就去左食附近呢間早咗少少唔使等位，齊人先入得，我哋揀咗有海鮮嗰個餐（$298/位），但係冇食海鮮主要係為咗佢個牛脷，因為上次食過佢啲海鮮，唔係特別新鮮，反而啲牛同羊比較出色，由於係放題所以今次主攻呢啲，係正確既選擇。炸物就麻麻哋啦，淋晒。我亦都好鍾意佢有好多款蔬菜，最鍾意喺個湯底度加蟲草花，不過唔鍾意食蔥嘅朋友入去揀湯嘅時候，記得叫佢走蔥，因為有啲湯底係有蔥如果唔係就要好似我咁自己揀返走佢。不過環境真係有啲迫，啲枱好細張，但係店員就好好，一食完就會幫你攞走，等你張枱啲嘢唔好咁滿。不過舖頭為咗空氣流通係好事，但係啲吹風機一路吹住個頭，真係好辛苦，唔係凍，係吹住唔舒服。🤨推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：6.5⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：8⭐️地點（10⭐️滿）：7⭐️［牛牛日式火鍋放題 (北角匯2期) (北角)］地址：北角渣華道123號北角匯2期1樓110-111號舖#晚餐 #晚餐吃什麼 #晚餐時間 #dinner #dinnerideas