🥩 和牛漢堡排套餐我哋揀咗三款口味：
• 青咖喱（微辣）：用鐵兜上枱，咖喱香濃但唔膩，微辣刺激唔搶味，牛肉汁同醬汁融合得幾好。
• 原味：最能食出肉質，生熟程竹度由自己決定，外層微焦，內裡多汁，唔使加醬都夠味。
• 芝士：店員即場刨芝士絲落漢堡扒上，仲要狂刨唔洗錢咁，熱溶後鹹香撲鼻，邪惡得嚟好療癒。
🥦 配菜部分：西蘭花、白飯、野菌魚丸麵豉湯任添。西蘭花唔會焗到乾柴，湯有菇香，魚丸彈牙，白飯粒粒分明，唔係蒸到黐埋一舊，仲有隻生雞蛋配埋撈飯食。
整體唔係走高級路線，睇住漢堡扒煎到6、7成熟就送到你面前，之後由自己去控制生熟度，仲有多款調味可以加，加埋無限添配菜，食肉獸可以安心放肆。雖然開放式廚房，但抽氣唔錯，食完無一身味。
#日本菜 #日本餐廳 #網紅餐廳 #打卡餐廳 #肉肉大米 #漢堡排 #lunch #dinner #日本和牛 #九龍灣 #九龍灣德福 #德福廣場 #九龍灣美食
